من روائعه

[بست قرين]

طبع الليالي

جلسةٍ ماهو معي .. ماعليها خانه

كيف ابستانس وهو ماتشوفه عيني

مير هلي الدمع .. ياعيني الولهانه

يوم حال اللآل .. بين الحبيب وبيني

الليالي طبعها دايمٍ ... خوانه

عادة الايام تفريقه الاثنيني

عفت كل البيض .. والسمر انا من شانه

والبلى كانه عقب ... غيبتي ناسيني



ونستمر//

[بست قرين]

نار الغدر

سلى القلب عنكم .. وانت ماتحسبه يسلى

الى شاف ماعافه .. سلى حب ..خلانه

قليته بنار الغدر وتحرك المقلى

تلذذ بشوفه ..يحترق .. فوق نيرانه

سنين وانا مخلص .. ودورت لك لك بدلا

ودادٍ مضى ملكتني به بريعانه

تجرعت كاس الصبر مرٍ .. على مهلا

لعل الصبر يوريك .. خطتك غلطانه

خلافي معك ابيك .. تعلي عن السفلي

وأبي سيرتك في الناس .. بالحمد مليانه

الى شفت مارجي فيك .. من سيرة مثلي

تقلب طعم الموت والنفس فرحانه

ولك وياللهول .. ارخصت مايغلي

بذلي .. وذلي .. دست حبك على شأنه

ترفعت عن ماردك .. مااعاد لي مدلي

اعاف القراح الي ..سفى فيه معطانه

مثيلك يعيش بخير ... مع لابةٍ خبلي

موازينهم بالعرف .. تشبه لميزانه

تحسف الي ماذقت ما انت .. له اهلا

يجي يومك اللي .. ماتحسب ... حسبانه


// ونستمر//

[بست قرين]

فمان الله

الاوشيب عيني .. يوم قالوا لي فمان الله

وحققت انهم من عقب ... جمعاهم مقفيني

تغايالي .. خيال الموت يومه مد لي يمناه

ولد بعينه الخرسا .. عقب ماقفى يراعيني

نهت وقلت مما جال بالصندوق ..وعزاه

سراب اللآ باكر ..يطرد مابينه وبيني

حلفت برب خلقه .. لو يطول البعد انا منساه

انا وشلون ابيع اللي .. من العربان شاريني

تصبر .. ياخفوقٍ صار داه اليوم .. وسط ارداه

على رجوى ان رب العرش .. يدنيهم ويدنيني

مثل ماخذت قلبي ..قلبي المحبوب .. عطنى اياه

على شان انتساوى في المحبه والموازيني

الى قارنت غيرك بك خجلت .. وقلت ونقصاه

انا وشلون اقارن .. كامل الاوصاف بالشيني

ولو هو في حلى يوسف .. كسف لي بنت نور اضياه

وختم القول رب بك ... تبلاني ... يقويني

[بست قرين]

عطني وعد

عطني وعــد واخلف ولاتودع الياس

يقضي على نفســــي بقطعت رجــاها

يامــن ملــكني قبــل زينه بالاحساس

ورجــــل عــن النـقود تقصر خطاها

ياقـــبلة القــلب الـمعنى مــع الـناس

لاجيت اديره حاص غصب ونـصاها

حــــبك نشـــعني من مواطي للراس

يامـــصدر الشــــكوى و يامنتــهاها

جري مــجاري الدم من غير مقياس

مـــا بـاقي بــي جـارحــه مـامــلاها

خـفيف روح ولـو عـلى زبدةٍ داس

قـدمك سـلمت وكن عرشـك عداها

[بست قرين]

الا واشيب عيني يوم قالوا لي فمان الله

وتحققت انهم من عقب جمعاهم مقفين

تغايا لي خيال الموت يومه مد لي يمناه

ولد بعينه الخرسا عقب ماقفى يراعيني

نهت وقلت مماجال بالصندوق واعزاه

سراب اللال باكر يطرد مابينه وبيني

حلفت برب خلقه لو يطول البعد انا منساه

انا وشلون ابيع اللي من العربان شاريني

تصبر ياخفوق صار داه اليوم وسط ارداه

على رجوى ان رب العرش يدنيهم ويدنيني

مثل ماخذت قلبي المحبوب عطني اياه

على شان انتساوى في المحبة بالموازين

ايلا قارنت غيرك بك خجلت وقلت:وانقصاه

انا وشلون اقارن كامل الاوصاف بالشين

ولو هو في حلى يوسف كسف لي بنت نور اضياه

وختم القول رب بك تبلاني يقويني

[بست قرين]

لاتحاول كل شي انتهى

حبنا الي فات لايمكن يعود

حبك ،الي كان في قلبي فها

ويش اسوي صاب عاطفتي برود

مالقى قلبي بقربك ماشتهى

مالقيت الا المذله والجحود

اشهد انك فقت جيلك بالبها

ون زينك طاغي ماله حدود

مير عيبك ياجذ وان المها

ميت الاحساس ياوردي الخدود

ون عرضك لاهي به من لهى

ون عقلك ناقص مافيه زود

[بست قرين]

لاتكحل .. مايزينك الكحل

الكحل خله لمن .. زينه عوارى

واطيٍ فوق العذارى ..بالرجل

ماحد لك بالبها منهم يجارى

من بغى ينكر جمالك يالنجل

الحظه مثلي وخله لاتدارى

انت تذكر يوم .. تنطحي عجل

يوم تحظني بعينك .. وانت سارى

[بست قرين]

إبتعد عني ماحبك وش تبيبي

قدرك العالي رميته في الثرى

واحسايف قوليتي لك ياحبيبي

يوم قلبي مولع بك مادرى

إنك الغادر وقصدك تلتهي بي

ون عاطفتك تباع وتشترى

إنس وقت فات مالك به نصيب

لاتذكر ،لاتذكر ماجرى

يوم هفت شمس حبك للمغيب

استرحت وعاد لي طيف الكرى

[بست قرين]

ليتني ماشفت في عينك دموع

منظر الدمعه على خدك هلاك

يامضوي في دجى عمري شموع

الحزن ماخلق لعيون الملاك

اتحمل عنك كل امر يروع

خذ هنا قلبي ,وخلف لي عناك

واتقدم لك بقلبي في خضوع

ضح به في هيكل الحب لهواك

او تلطف به وضمه في الضلوع

علها تورق غصونه في حماك

من سهومك ماحمى قلبي دروع

والشفا ياروح روحي في شفاك

[بست قرين]

من يسد مكانه

قرب الرحيل ... وخاطري منك ماطاب

ياواحد عندك .. حياتي رهانه

تدري .. بعله واحدٍ منك..منصاب

اللي بقلبه لك .. يقوله لسانه

بك طيب لو ماحط بك .. زين الاطياب

ياغصن بانٍ ناعمٍ به .. ليانه

ياليتهم .. سموك يازين معطاب

حيث ان حبك .. بالضماير ..مكانه

كلن عذلني فيك عدوان.. واصحاب

واقول خلوني وكلن وشانه

وان قيل ..الابدل احباب باحباب

قلت آه .. لكن من يسد بمكانه

[بست قرين]

الحرمان

انا وياك يالحرمان في الدنيا غدينا اخوان******* مسيرتنا سوا في كل حاضرنا وماضينا

مشينا فوق درب السهد والآلام ولأحزان******* حيارا في خضم التيه ماترسي مراسينا

تباشير السعادة عن نظرنا لفها النسيان******* وفوق اهدابنا ماتت من الحسرة امانينا

على درب الالم تمشي مواطينا على النيران******* ظلام الياس ينشرنا على حبله ويطوينا

ترانيم الهنا في يوم مولدنا غدت صلبان******* صلبنا فوقها من غير ماتجني ايادينا

تعوضنا عن البلبل وشدوه نعقه الغربان******* وعن غصن الزهر غصن بعكف الشوك يدمينا

هلا باللي يبي ينظر بعينه قوة الانسان******* يجي ينظر تجسدها بكل اطوارها فينا

[بست قرين]

تعاتبنى

رضيت لي ... هون القدر والمذله

وارخصتني ... وانا مع الناس مغليك

وطاوعت في اربوع قل لي ... وقل لهعدوانى اللي طايلتهم حسانيك

مبنى الغرام اللي ... نعمنا بظله

من عشرة اعوامٍ هدمته بياديك

قمت تعاتبني على غير ... زله

ومن اول حبي عن العيب ... معميك

سيف الجفا يبرق بيمناك ... سله

تهوبني به يوم ... كثرت طواريك

خلك بعيد هو لك الكل كله

حسيبك ... اللي بالفعايل يجازيك

[بست قرين]

ياطول الحرمان

يـاطول حرماني .. عيوني تراعيك

وعـن مـاتريد الروح تقصر يديني

حتى الحكي ما اقدر مع الناس احاكيك

مـع حـالو الـحساد بـينك وبيني

مـايتركونك لـحظة لي وانا..اجيك

وابـدي لـك الـخافي وابيح كنيني

وادري بهاجس خاطري ويش طاريك

هـو انـت تـكره شوفتي او تبيني

هـو انـت مـثلي هايمات ظواميك

عـلى حـياضي غـادي لك حنيني

او ان قـلبك مـع حـبيب مـهاويك

يـسقيك خـمر الـحب يانور عيني

امـا قـصرت ارشاي ماعاد لي فيك

والـباس فـي الدنيا حدى الرحتيني

والا وردت ودسـت بالرجل حاميك

والـصادق الـلي بس دونك يجيني

[نهى]

تسلم بست قرين على نقله لنا من روائع سيدى الامير عبد الله الفيصل

سلمت ودمت بخير

[شذى]

تسلم على نقل روائعه المميزه لسيدي الامير عبدالله الفيصل فهو شاعر الاحساس والكلمه الجميله وصاحب القلم المبدع والشامخ
والله يحفظه ويحفظك ويطول بعماركم

[*دنيا المحبة*]

شكرا لك بست قرين

على الكلمات الرائعه

[البندري السديري]

http://www12.0zz0.com/2011/12/18/21/971745593.gif (http://www12.0zz0.com/2011/12/18/21/971745593.gif)