خطيبين بيموتو على بعض استر يا رب

[غزالة]

هادا حوار

إتنين مخطوبين بيحبوا بعض بجنون






الخطيب : بحبك
( يا لطييييف )


الخطيبة : وانا كمان
( داهيه ماتردك )


الخطيب : من اخر مره وانا لسى عم فكر فيكِ
( يارب تنقلعي من خلقتي )


الخطيبة : يا حبيبي وانا كمان ما بطلت تفكير فيك
( يارب اصبح الصبح لاقيك بجهنم بعيد عني )


الخطيب : لك وينا لحماتي مو شايفها يعني
( الحرباية الكبيرة )


الخطيبة : موجودة يا بعدي لحظه لأناديلك اياها
( بشان تسم بدنك )


الخطيب : إي طبعا حياتي ليش بقدر استغنى انا
( يارب تتكعبل في السجادة وهي جاية )


الخطيبة : إمي تعي شوي
( على ربك تقلك شغلة ترفع ضغطك )


الخطيب : اهلين وسهلين حماتي كيفك ؟
( يارب ما تكوني بخير )


الحماة : اهلين لك صهري
( بلا قرف )


الخطيب : عندي لإلكن خبرية سكر أنا لقيت بيت
( يارب ما توعوا انتِ وبنتك تتهنوا بشوفتها )


الحماة : الف مبروك صهري
( أكيد زوقك معفن متل إمك )


الخطيب : منروح نشوفها بكره شو رأيك حياتي
( على ربك تتدحرجي عالدرج وإنتِ طالعة )


الخطيبة : إي شو عليه طبعا لازم نشوفها
( أكيد قد الكبريتة وبشي حارة معفنة )


الخطيب : على فكرة حماتي
( يبعتلك حمة )


الحماة : شو حبيب قلبي احكي لك صهري
( ياحيف عالرجال )


الخطيب :كنت بدي قابل عمي بشان كتب الكتاب
( قال عمي قال ده إنتِ يلي عمي )


الحماة : وماله لك إبني بس مو كأنه بكير شوي
( الله لايوفقك على شو مستعجل أه )


الخطيب : لأنه خلص حماتي نحنا قربنا ماظل شي
( لك قولي لا بشان فركش أخت هالجوازة )


الحماة : طيب لك إبني ليجي عمك رح قله
( خلنا نرتاح من زياراتك الغليظة )


الخطيب : طيب حماتي رح روح هلق
( افففففف العمىىىى على هيك علقة )


الحماة : لك بكير لك إبني
( الطريق يلي تاخدك ماتردك انقلع بس )


الخطيب : باي حياتو
( تضرب هيك حياة معك هيك بشرية )


الخطيبة : يييييي تؤبرني مع السلامة حبيبي
( الله يرزقك بسيارة تخلعك )


الخطيب : خبريني اي تلفونات حياتي
( يا رب تنقطع الحرارة )


الخطيبة : أكيد ياروحي رح أشتقلك
( إي العمىىى إنقلع بقى )