المساعد الشخصي الرقمي

مشاهدة النسخة كاملة : الوطن في روائع الشعراء:


*دنيا المحبة*
09-22-2010, 08:58 AM
الوطن في روائع الشعراء:

يقول الأمير خالد الفيصل:


لاح يوم الوطن والعز لاح
وكلمة الله على البيرق تلوح
يوم الاسلام يا يوم الفلاح
والوطن كل روح له تروح
فوق الايمان ركبنا السلاح
والمقابيل بالخافق تبوح
الله اكبر مثل ضرب الرماح
سيلت في خفى الباغي جروح

وفي رائعة أخرى يقول:



البست شعري غترة وبشت وعقال
وخليت تغريب المذاهب لغيري
في ساحتي للفكر مليون منهال
وبحري بمكنوز المعرفة غزيري

وهذا مهندس الكلمة الامير بدر بن عبد المحسن في احدى قصائده يقول للوطن:



عزنا الاسلام هو غاية فخرنا
فيه سر وجودنا ونموت دونه
أرضنا ارض الذهب وانقى المذاهب
والرجال اللي عهدهم يحفظونه

* ومن قصيدة أخرى يقول:



«صرخة» ذكرتك يوم واليوم موعود
لجل الوفا لراعيك موفي الوعايد
كني بوقت راح حاضر وموجود
في يوم عشاة المجد.. عله هايد
وكن «المربع» توه اليوم مشيود
جدران طين اطمام سقفه جرايد
قصر بنى للعدل والطيب والجود
سوره ذرا للناس وفرشه وسايد

* كذلك من قصيدة أخرى يقول:

الله الاول وعزك يا الوطن ثاني
لأهل الجزيرة سلام وللملك طاعه
حنا جنود الحرس للقايد الباني
رمحه.. ودرعه وكف الشيخ وذراعه
مثل السيوف البواتر وان جنى الجاني
يضرب بها ارقاب من بالدار طماعه
من بان عبد العزيز وصبحنا باني
ما عاد نقبل ضلام الليل لوساعه
في السلم يشهد لنا عمر الاوطاني
وفي الحرب لارواحنا للموات بياع

ومن قصيدة للأمير محمد الاحمد السديري:



ياللي لكم في منبر المجد محراب
نلتوه من عقب الكدر والمصايب
نلتوا رفيع المجد بسيوف وحراب
وعدوانكم شافوا كثير الغلايب
بحزم ولطم فيه تقطيع الارقاب
وعزم جلاميد الصخر منه ذايب
وحرب مرير فيه تقتيل الاشناب
يقلب شعر راس الولد منه شايب
يشهد لهم بالطيب من وسط الاصلاب
والحي واللي حد رعوج النصايب
صفوة هل العوجا مهدين الاصعاب
تارد حياض الموت ورد الجلايب

* كذلك يقول عبد العزيز عبد الله السناني:




هذا الوطن والعدل يلبس شعاره
بيرق بلدنا في سما المجد خفاق
دار غدت بالدين نور ومناره
في ظلها تولد مفاهيم الاخلاق
وجهي سعودي ولكواكب مزاره
طموح جاوز بالزمن حد الافاق
ياحظ من هو دار الامجاد داره
كل القلوب بحبها تمطر اشواق

ويقول الشاعر أحمد الناصر الاحمد

زان القصيد وقيمت الشعر لا زان
انك على اللي يعشقونه تذيعه
يقولها الي عارف كل الاوزان
نظم الشعر عنده من الله طبيعه
جال النظر والفكر في كل الاوطان
والله ما يوجد بكل الوسيعه
دوله سحابه خير واشجار امان
دوحة رخا في ظل حكوم الشريعه
اعني السعوديه لها المجد عنوان
معروفه في منزلتها الرفيعه
الشعب والقادة يعلون الاركان
كل الوفاء بارض الجزيرة جميعه
ان جيت لداخل ولا الشعب فرحان
وان رحت بالراء شفتها بالطبيعة

ومن رائعة اخرى يقول



همست كتاب للأحبة رقيقه
من خاطر يهوى القصائد والاشعار
هذا الوطن للمجد وجه طريقه
واجب علينا نفرش الدرب بازهار
ذخر مشاريع الوطن بالدقيقه
كثر الدقايق عندنا انجاز واعمار
فهذا الشاعر الكبير والراوي المعروف رضا بن طارف الشمري،
نوب صباح ونوب كونه هجادي
ويوم ان ابوتركي صعد في فقاره
بالمركب اللي من قديم يرادي
عبدالعزيز اللي بعيده خباره
سلطان نجد اللي حكم به وسادي
اقبل قبول المملكة يوم اضاره
ونبت الزهر والفقع بقران حادي
عقب الحياة اللي لبس به شعاره
وادرك بها كل الهوى والمرادي
رحل وخلف من تخلف بداره
ولا خاب من خلف خلافه نوادي
خلف ملوك تفتخر به دياره
وكل بروحه دون شعبه يفادي
والشعب كل ساكن في عماره
عن كل طماع يدور الفسادي

حروف عبدالله الفيصل
09-22-2010, 09:42 AM
شكراً دنيا المحبه على الموضوع الجميل

*دنيا المحبة*
09-22-2010, 10:11 AM
هلاا وغلاا عيني شكرا للتواصلك ودمتي بكل خير ..}

*دنيا المحبة*
08-18-2014, 10:59 AM
يقول الأمير خالد الفيصل:


لاح يوم الوطن والعز لاح
وكلمة الله على البيرق تلوح
يوم الاسلام يا يوم الفلاح
والوطن كل روح له تروح
فوق الايمان ركبنا السلاح
والمقابيل بالخافق تبوح
الله اكبر مثل ضرب الرماح
سيلت في خفى الباغي جروح