أريد النصيحة

[حنين وشوق2010]

السموحة ع الازعاج


صراحة انا متزوجة وريلي من سنة وزوجي يخوني بانه يكلم غيري واعرف في قرارة نفسي انه ما يحبني لي يحب عمره ما يخون

من بداية زواجنا وهو ما يعاملني زين ولا يسمح لي اني اتقرب منه.. وهذا الشي لي خلاني اشك فيه
واحاول اعرف سبب ابتعاده
زعرفت هالشي وتاكدت منه بعد زواجي بشهر وزعلت ورخت بيت اهلي ورجعت بعد ما قال ما بيكلم حد

ورجعت ولكن بدون قلب ابد ما احاول اتقرب منه وهو ابد ما حاول باستثناء اول شهرين من رجوعي وبعدها رجع لسابق عهده


وأنا بصراحة أحس ضعفت شخصيتي وصارت ثقتي بنفسي مهزوزة وخاصة انه مخلني من 3 شهور في بيت اهلي الاول عشان كنت فالشهر التاسع من حملي وبعدين قال يلسي الاربعين وخلصت الاربعين وقال يلسي لين تحصلين نقل والله يعلم متى بيكون نقلي بعد شهر ولا بعد سنه
انا ما جادلته ولا اصريت ع اني ارجع لأن أعرف مستغل غيبتي فتواصله مع غيري واعرف انه ما يباني ارجع مع اني قلت له عندي اجازة بعد شهر الاانه ما رد عليه بشي

أنا اطالبه استشارة لاني مش عارفه اتصرف مشلول تفكيري والغريب اني احبه رغم انه ما معطني حقوقي

السموحة ع الاطاله واتمنى اشوف حل يناسبني

[رووح غلاها]

وعليك السلام ورحمه الله وبركاته
عادي حبيبتي مافيها شي تستشرين اخونك وهذا بيتك الثاني واحنا فيه كلنا مع بعض (اهل نعناع)
مرحبا فيك
ويتربا بعزك البيبي

لاتستضعفين وتقليلين من قيمتك عند زوجك
انتي بيدك الحل وانشالله ميسوره كل الي عليك امور بسيطه جداً
لكن الاهم بدايت الامر هو الثقه بنفس لزم تكوني واثقه من حالك
واذا تشعري انك ماتستطيعي انك تتماسكي لزم تكسري خوفك هذا لزم تكوني قويه
تفاالي بالله وخاليك دايما سعيده ومبتهجه امام عينه حتي لو في عز بسمتك مجروحه منه
مو تجادليه وتقولي ليه عملت كذا وليه خنتني ) طبيعت الرجل مايحب احد ياحااسبه (
اوكي الغيره تقتل كثير و اذا تفكري انه يخونك انتي الي سمحتي له بهذا الخيانه
لزم تغيري من شانه لزم تكوني الانسانه الي تزوجها من اول
لزم تكوني مثل ماكان هو يبيك يعني في فتره خطوبتكم وتعرفكم ع بعض
والمراه الذكيه هي الي تملي على زوجها الحياه
الزوج يبي من زوجته كل شي ادري ساعات مايطلبه يكون فوق الراحه بس ضحي
عشان سعادته ويحبك اكثر
الابتسامه في وجهه لاتفارقك الكلمه الطيبه ((((((((((قسماالكلمه الطيبه دواء)))))))))
قولي له من الكلمات العاطفيه والرقيقه حتي عند خروجه الي العمل قولي له عووافي حبيبي
وكل وقت نوعي له الكلمه الحلوه والطيبه
تبرجي له ((تزيني له)) اجعلي من اياامك الي تعيشيه معه مبنيه على العاطفه الرقيقه
وليس الكبريا والصد عن بعض وانتظار من كل الطرفين المبادره
صدقيني هو يبيك انتي تبادريه هو يبيك انتي الي تعطينه لاان اذا عطيتيه متطلباته كازوج
بيعطيك عيونه .......
ابدا ابدا لاتجدااليه اكثر من مره في نفس الموضوع ابداا
مثلان جادلتيه بخيانه مره وحده واهو دافع عن نفسه وانكر
وانتي متاكده انه يخونك لاترجعي تجادليه ابد صدقيني راح يمل كذا
ويحسك ممله
اجعلي ثقتك بنفسك كبيره واجعلي من نفسك زوجته المحببه لديه
ولاتفكري بلاشياء السالبيه فكري بلاجابيه
وصدقيني اكررها لك الكلمه الطيبه والابتسامه
والين ورقت العاطفه والتبرج له هو العلااج الوحيد
واالمراه الذكيه تشوف اي شي يحبه زوجه تلبيه له
دون مايطلب هو او تستنا يطلبها

والله ان هذا هو الحل الي اشوفه لك مناسب
لاانك تحبيه والي يحب لبد من التضحيه
وهذا زوجك وابو عيالك يستحق التضحيه
رغم الجروح ورغم الالم ورغم الجفاء تحملي
وصدقيني بالكثير شهر ويرجع يعشق التراب الي تمشين فيه


عــــــــــــوووووووافي لك
وربي يكتب لك الي فيه خيـــــــــــــــــره وفكري بس فيه هو

وربي يسعدك ويحلي ايامك ياقمر


سلامي لك
روح غلاها

[الـهنوف]

ياهلا ومسهلا باختي من الخطأ جدا وجدا ان تتركي زوجك ايتها الطاهرة النقية لأمرأة اخرى بهذه السهولة

اليست حياتك؟ الا تستحق منك الكفاح حتى لو كان مؤلما..

سؤال يطرح نفسه هنا.. وماادراك انه رقم فتاة ؟ هل سمعتي صوتها؟ هل اتصلتي وتأكدتي؟

اولا تأكدي من الرقم ..( اتصلي من كابينة او بقالة قريبة او اي مكان عام حتى مستحيل لو اطلعت زوجك على الرقم يعرفه)

ثانيا توقفي عن اتهام زوجك حتى لو انتي متأكدة مليون بالمئة انه خانك

ثالثا زيدي من اهتمامك له..

رابعا اتصلي له وقت التي هي تتصل له في الصباح

خامسا لاتبدي تضايقك ابدا..

سادسا اغرقيه بالكلام العذب كوني الزوجة العاشقة


استمري على هذا الحال اقلا شهرين وستري النتيجة..الان هو لجأ لغيرك لربما لكسر الروتين ولربما لافتقاده للوهج العلاقات

في بداياتها ولربما لانك انشغلتي عنه في بعض الامور ابحثي عن تقصيرك وعوضيه

لست هنا ابرر له ابدا لكن امسكي بزوجك برجلك وايدك ولاتتركيه لقمة سهلة لغيرك

أختك


الهنوف

حنا هنا تحت امرك يالغلا ومشكلتك سهله باذن الله

واتمنى لك حياة سعيدة يالغلا

[حنين وشوق2010]

مشكورة ياروح غاليها

بس كيف انا سمحت له بالخيانه

هذا طبعه من زمان ... وطبع لي حوليه مع ان مالي حق اذكرهم بس هم جيه

حتى فتره الملكة هي اربع ايام والخامس تغير لان قالها بصريح العبارة فلانه دقت شو بيدي اسويه

وانا اعترف مقصره بالكلام الطيب بس عندي سببي وهو كل ما قلته كلمة طنز عليه ويقول كذابه..

مشكورة اختي وان شاء الله ما يريك الله باس فيك او فيمن تحبين