|
ملكنا بو متعب في قلوب شعبه ..!
..السلام عليكم ورحمة الله وبركاته ... مساؤكم خير وسعاده .. مساؤوكم لامثيل له وزياده .. يااااه .. كم هو شعور جميل يتملك الانسان حين يرى له محبون .. لالشيء الا انه يستحق ذلك .. ليس بمنصب ولاجاه بل بخلق وطيب .. ترى التواقيع وترى التصميمات وترى وترى .. مشاعر الحب تتدفق لرجل اعطى واعطى .. وعندما توجع الكل لأجله تألم ورفع الايدي .. .. ارايتم ان الانسان خلق وتعامل كل شيء يزول ويرحل الا الخلق الحسن والتعامل الطيب .. الجاه تزول .. المنصب يزوول .. ولايذكر الناس احدالا بخلقه .. فهاهو مليكنا رعاه الله وحفظه وعلى دروب الخير سدد خطاه ..ملك قلوب شعبه بطيبة اخلاقه وتعامله الحسن .. .. امرها مهم هذه الاخلاق ..فهنيئا لك يامليكنا بحب شعبك لك .. حفظك الله ورعاك ..وعافاك وشافاك .. دمعت عيني وربي حين لتفاعلهم وحبهم رأيت .. .. سيكون هذا المتصفح نعبر فيه عن ولاءنا وحبنا لمليكنا الغالي .. وابونا الطيب .. ...بقلم :طرب الروقي ... |
|
[gdwl]
http://up.arab-x.com/Nov10/oJt46299.png سلامتك يا شمس الأرض و قمرها و نور النجوم اللي عليها مراقيب سلامتك يا سمع الأرض وبصرها يا سيد الملوك العرب و الأجانيب سلامتك يا وجه الأرض و نحرها يا خادم البيتين و أغلى المعازيب سلامتك يا عشب الأرض و زهرها يا ماطر الرحمة ويا منقع الطيب أرض الجزيرة كود مالك ذعرها لو هو تعب يحميك من يعلم الغيب واللي خلق روحك و نفسك أمرها بالخير و نلنا بك أعز المطاليب ما سار فوق ترابها من بشرها مثلك زعيمٍ صادقٍ رأيه مصيب قلوبنا بيدٍ و حبك عمرها تتعب متى تتعب والا طبت بتطيب سلامتك يا شمس الأرض و قمرها و نور النجوم اللي عليها مراقيب ارجو من الجميع الدعاء لولي أمرنا خادم الحرمين الشريفين الملك عبدالله بن عبدالعزيز نعبر عن حبنا لك سيدي بالدعاء لك بالشفاء |
|
[gdwl]
لاباس ياصقـر العروبـه وماجـور ياخـادم البيتيـن مليـار لابــاس ياللي غلاك بداخل القلـب محفـور من دون خلق الله ومن غير مقياس في قلب شعبك حبك اليـوم منثـور حب حقيقي يحمل احساس واحساس ياقائـد الامـه مـن العتـم للنـور اسمك عظيم وودوم للشعر نبـراس من دون مدح القاف ياشيخ مشهور ياقرم يازيـزوم ياجوهـر ومـاس الشعر ياقف لك من الخلـق طابـور واسمك يجمل كل حرفـن وقرطـاس في كل موقف عز ياشيـخ مذكـور للعز تاج وانت تاجه علـى الـراس شبل وشجاع وهمتك مابها قصـور حر وكريم وفزعتك تبـري البـاس شمل العرب قبلك ترى كان مبتـور وجيت وعدلته عقب ماكان محتـاس مشكور ياصقر العرب ثـم مشكـور تمطر كما الغيمه وتعطي بلا قيـاس ياسيـدي ياجلعنـي اليـوم مقبـور واعطيك عمري فدوتك بين هالنـاس وعسى المرض لحظات ياشيخ ويبور وتعيش عمرك كله اوناس بونـاس وعسى السعد في دربك اليوم منشور ياللي يمينك طاهره مابهـا ادنـاس ياخادم البيتيـن ياالصقـر ماجـور ياتاج راسي الـف مليـار لابـاس [/gdwl] |
|
[gdwl] بأذن الكريم الشافي الكافي ومولانا السميع ** ندعيك في وقت الصلاة وبالطواف وياسعيت [/gdwl]بأذنك ولطفك ثم جاه الهادي الشفيع **تشفي وتلطف وأنت من شئت وشفيت يآمن شفيت ايوب من بلواه والخطب الفضيع **يامنجي يونس من الظلمات والوضع المقيت تشفي لنا عبدالله القائد راع الباس الشجيع **لطام هامات العداء صاحب مقام وراع صيت تشفي لنا عبدالله القائد راع الحلم الوسيع **اللي جعل للشعب في قلبه وفي عينه مبيت |
|
[gdwl]سلامات يـا عـز البـلاد وسعدهـا
يا خادم البيتيـن يـا ذخـر الإسـلام مرضك هز الـدار واأنهـك جسدهـا ارتـاح وإنـا لـك بـالأرواح خـدام تدعيلك انفـوس (ن) تزايـد نكدهـا من لحظة إعلان الخبر عبر الإعـلام لأنـك سبـب عـز البـلاد ورغدهـا وحققت بعـد الله طموحـات وأحـلام وجهود ملموسه وكـل (ن) وجدهـا تـزداد مـع مـر الليالـي والأيـام وعقدت لك جلسـات محـدن عقدهـا وفي منهج الإصلاح لك دور وإسهـام مواقفـك وشلـون نحصـي عددهـا مواقفك تطغـى علـى كـل الأرقـام مدت يدك بالجـود محـدن جحدهـا منها يعيش الشعب في خيـر وأنعـام وكـم أم ماتـت مـا فقدهـا ولدهـا يلقـى مراكـز تحظـن اّلاف الأيتـام وكم شايبـن خدمـة عيالـه فقدهـا يعيش في دارن جلت عنـه الأوهـام وكم أرمله مـدة مـن الجـوع يدهـا من بعد جودك ما بكت تحت الأقـدام وكم خيمة (ن) طاحة وترفع عمدهـا وتحيلهـا فلـه بتعتيـق وارخــام من طارف انجـازات كلـن شهدهـا في مبتداهـا ينتهـي حبـر الأقـلام غير النفـوس اللـي غباهـا قردهـا تأثـرت بمتابـع احـروب وأفــلام جتنـا تبـي تفقـع نظرهـا بيدهـا مدري تبي حكم الشريعـه بالإعـدام تبغا جنـوب الـدار بأخـر جهدهـا في ليلن أظلم تعمـل افخـاخ وألغـام ويومن أبو متعـب بجيشـه عمدهـا حول غضب ربي على روس الأقـزام في ليلة (ن) صوت القذايف رعدهـا وإلا مطرهـا رش بـارود بإحـكـام ثـم ذابـت الفتنـه بداخـل لحدهـا وفوق الشواهق رفرفرت روس الأعلام و الله يخـلـي للعـروبـه أسـدهـا ويدوم عزه للوطـن طـول الأعـوام http://ejasser.files.wordpress.com/2...6ane-copy1.jpg [/gdwl] |
| الساعة الآن 07:52 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir