.:: شبكة نعناع ::. - شي يفرح وشي يزعل(2)... وقلتلكم حلوين

بسم الله الرحمن الرحيم

شي يفرح لمن تتابع استوديو تحليلي يكون للحياد والمنطق نصيب فيه.
شي يزعل لمن تشوف كل عناصر الاستوديو بلون واحد:111: يا مشاهد.

شي يفرح لمن تشوف الراقي داخل الملعب وروح شبابه وتركيزهم في اعلى مستوياتها.
شي يزعل لمن تشوف كم عنصر ما قدرو يفكوا شفرة الروح حتى الان؟

شي يفرح لمن تشوف ابو عمر كابتن الراقي يبتسم وهادي ورايق وتركيزه كله على اللعب فقط.
شي يزعل لمن تشوف تكشيرة الدعيع وهو يسلم على حسين مع اني احترمه ؟؟!!

شي يفرح لمن تشوف لاعب بثقل خالد بدرة في دفاعك.
شي يزعل لو يروح هذا اللاعب اللي بعد الله له دور كبير وكبير وكبير جدا في في تالق الدفاع واسئلوا عبدربه.

شي يفرح وانا اشوف عبدربه بدا ينضج كرويا بشكل كبير وملفت للنظر.
شي يزعل لو ما يتخلص من بقايا العصبية والتهور.

شي يفرح لمن تشوف تيسير يلعب وفق امكانياته والدور المطلوب منه.
شي يزعل لمن تشوف تيسير يبغى يسوي كل شي استلام ومراوغة وتسديد وتسجيل!!!

شي يفرح لو نيبوشا غير الثقفي بسرعه بعد حصولة على الكرت والنرفزة اللي كان فيها.
شي يزعل لو انطرد تركي قبل ما يتغير .

شي يفرح لو اشوف هيكل كورقة رابحه خارج الاساسي.
شي يزعل لو ما شفنا عبدالاله من بداية المباراة مع مالك.

شي يفرح لمن تحس انك داخل وطنك بانك احد ابنائه وان ناديك احد اندية الوطن.
شي يزعل لمن تشوف كل شي ضدك اتحاد وتلفزيون وتعليق وصحافة.

خبرين بدون تعليق:

اقرا بين السطور في جريدتهم منذ ايام بان مباراتهم مع الوحده هي الديربي التاريخي وهذا يعني انك يا راقي يا اهلي منت قدنا وترى انت بس من فترة بسيطة بدات تنافسنا؟؟؟ اترك لكم التعليق.

يقول كابتنهم انا عمري ما قلت اننا حنفوز على اي فريق بسته اهداف لكن اللي حيقابلنا يا ويلوا ( تناقض عجيب)!

والجاي احلى واصعب بس قولوا يارب