سلام من عزه وقيمة ومن شان = من واحد(ن) يعرف حقوق الرجالي
سلام طيب مسك عنبر وريحان = لـ محمد الفيصل والراس عالي
سلام يا محمد في كل الازمان = سلام يا راع الوفاء والمعالي
سلام له هيبة في كل الاوطان = من هيبته هز الشجر والجبالي
يا أمير انا احبك ولا فيه نقصان = حب(ن) على وضح النقاء وانت غالي
ابوك عبدالله ومن جاه ربحان = يبشر بماجوبه وكيف الدلالي
شعر(ن) وادب فكر وعقل نهج قران = هاك الشهم ساس الكرم ما يبالي
في بيته المعمور اصحاب واخوان = مكرم الضيفان والشك زالي
يا أمير انا طالبك من قلب ولسان = طلبة عزيز النفس في كل حالي
ارجع لقلعتك العزيزة على شان = يفرح بك الشياب قبل العيالي
تكفى يا أبو تركي ترى القلب شفقان = شماغي بين يديك وهذا عقالي
وختامة اصلي صلاة(ن) وبحسان = على الذي فرق حرام وحلالي