http://im37.gulfup.com/AzRGX.png

بتكلم عن الساونا ذلحين

طبعا الساونا المنزلي عبارة عن قطعتين .. أنا شريته من ساكو
القطعة الأولى زي الغلاية + سلك أخضر يوصل بينها وبين البيت ..
القطعة الثانية شي زي البيت أو الخيمة + كرسي تجلسين فيه

http://im36.gulfup.com/3gYJI.jpg

ذلحين لو ودك تسوين حمام بخار .. أول شي عبي الغلاية موية ..
وفيه معطرات خاصة علشان تعطي ريحة حلوة للموية ..

شبكي الجاهز .. وادخلي فيه .. ومهم مهم مهم ..

لا تزيدين عن عشرين دقيقة ..
هو صح مفيد بس الزيادة تسبب أضرار
يوم تخلصين .. استعملي الصابون المغربي + الليفية المغربية ..

http://im36.gulfup.com/tNNsG.jpg

http://im32.gulfup.com/zLndm.jpg


استخدميها وإنتي باقي حارة وتوك مسلوقة على البخار << كرهتكم فيه
فركي نفسك 10 دقايق .. وبعدين تروشي عادي ..
زي المذكور فوق .. بس من دون صنفرة سويدية

فوائد حمام البخار

- ينشط الدورة الدمية
- يساعد الجسم على التخلص من المياه الزائدة
[من طرق التخلص من المياه]
- ينحف
- يزيل الحبوب اللي في اليد والفخذ مع الاستعمال

ملاحظات : الساونا مرتين في الشهر بالكثير ..
لأنه ممكن يسبب لك تصلخات


وسلامتكم ي قمرات



وأعتذر عن زود القرقر ..
وكمان الموضوع كان أكثر من عادي للكثير منكم أكيد

بس حسيته مهم .. لأني أتذكر إني مرة من المرات ما عرفت وش أحط أول
وما عرفت وش هو اللوشن .. مرررة انقهرت يو مدريت إنه الكريم << مهم نفس الشي تماما .. بس هو الأقرب

ولا تنسين .. النظافة أمر مهم .. لدرجة إن الشرع حث عليه
وكل ما طالعتي في نفسك في المراية ..
قولي اللهم كما حسنت خلقي فأحسن خلقي
ويو متفكين ملابسك قولي بسم الله

ولو جيتي تلبسين قولي
الحمد لله الذي كساني هذا الثوب ورزقنيه من غير حول مني ولا قوة

هذا كله بيعطيك بركة في اللبس .. والبركة في الشي مرررة مهمة ..
وللمعلومة .. أكثر شي ممكن يسبب في ارتكابي جريمة .. وحدة هبلاء ..
تقول .. يالله الأجانب حلوين .. طيب سوي خشتك
ولو مررررة حتى بعد كل المحاولات ممكن أفكر مجرد تفكير أسمح لك

يعني لا إنتي اللي حاولتي .. ولا إنتي اللي أصريتي ..
ولا إنتي اللي اشتريتي .. وشغلتها تحبط في العالم
كل مخلوق عليه بخصيصة نفسه ..

ما تتزينين وتقولين العرب ما يتزينون لو سمحتي ..
ترى سمعت فيه قبر لك ودك أوديك له بالمجان ؟؟

ولا تنسين ي الماما .. من قبل لا تبلغ بنتك ..
علميها على النظافة وحب النظافة ..

علشان ما تتعذب ..
ويوم متبلغ أصري عليها .. لا تخلينها تعيش جو

الاستحمام .. يكون يومي لو قدرت .. بالكثير كل يومين ..

لو إني رجال .. بكل أمانة يعني ..
بقرف لو زوجتي زي وجهها ما تتروش إلا حسنه مرة في الأسبوع

يعني ي بنت الناس ترى ريييييييحتك طاااااالعة ..
ارحموا من في الأرض يرحمكم من في السماء ..

تعذبين الناس بريحتك ليش ؟؟

وللمعلومة .. الحرمة عبارة عن كتلة إفرازات متحركة ..
لا تقولين كذب ..

هذا الحق .. وعلشان كذا إحنا نهتم بأنفسنا أكثر

لا تخلين حمامك عبارة عن شامبو وإذا تفشخرتني خليتي معاه صابون
ترى ق ر ف لو ما تدرين ..

لو طبختي وصارت ريحتك كشنة .. ترى لو ما كنت غلطانة ..
أكيد عندكم حمام وإلا وين عايشين ؟؟؟

لا تخلين نفسك تخيسين أبدا ..
ولو سمحتي بعد الدورة الشهرية سوي لنفسك إعادة تدوير في كل شي

الأندر وير -الملابس الداخلية- تغيرينها مرتين في اليوم على الأقل ..
أول ما تصحين وقبل لا تنامين .. ويستحسن بعد الدوام ..

السنتيانة غيريها كل يوم .. بس أهم شي ذلحين تغيير الملابس الداخليه باستمرار
[قلت لكم بكون صريحةhttp://www.shamoa.com/vb/images/smilies/biggrin.gif ]

وماله داعي أقول ليش .. الحرمة كلها إفرازات ..
تحتاجون توضيح أكثر وإلا يكفي ؟؟

أظافر لا تاكلينها فتندمين زيي
ولا تلحسين شفايفك .. اللعاب فيه مواد تساعد على الهضم ..
لحس شفايفك يعني إنك تفسدينها وتنشفينها بالعربي ..
لا تمشين من دون حذيان أو شراب في البيت ..
لا تنسين تفريش أسنانك يوميا 3 مرات على الأقل

لا تفركين عيونك بقوة ..
الهالات السوداء أسبابها :
- الإرهاق ..
- فقر الدم
- فرك العيون بقوة .. لأن ما تحت العين شعيرات دموية صغيرة ..
فركها يعني تدميرها

- السهر [ولكن مو دايم]
- …إلخ
حب الشباب لا تفقعينه .. لا هو ولا العنقز ..
إستخدمي المنتجات الخاصة بكل منها .. أو سوي ماسك العسل والقرفة

لا تحطين ميكياج وقت طويييل .. وغسلي المكياج ..
لا تنامين ووجهك مليان ميكياج
وماله داعي أقول لكم إن كثرته تتعب البشرة

لو تبغين شعرك يكون أكثر صحية .. كلي جرجير والخضار الخضراء عموما
وكلي كمان بيض مسلوق ..


قصي أطراف شعرك .. لا تخلينها .. قصيها شهريا ..

لأنها تكون عبارة عن شعر فاسد غالبا ..
لو بدأ التقصف يطلع .. قصي كل الشعر المتقصف ..
لا تكثرين استشوار ..
يعني السالفة مو حلى 24 ساعة وإلا يوميا ..
للمعلومة مافيه أحلى من الطبيعي ..

لو تبغينه مجعد .. حطي عليه جل وجعديه .. أو بالمويه وقضينا
لو تبغينه ينعم .. لفي شعرك بشكل دائري
لين يصير كأنه طاقية فوق راسك وثبتيه بالتوكات ..
بتصحين في الصباح وشعرك ناااعم ..

لا تصبغين لو ما كنتي تحتاجين الصبغة .. ترى والله ملحقة ..
بس بزرة 16 سنة صابغة ليه ي ماما ؟؟
تقطعين شعرك من الحين ليه ي ماما ؟؟

وإنتي نايمة فكي البرا -السنتيانة- ..
وخلي نفسك في اليوم ساعة من دون ملابس داخلية ..
علشان ما تسود المنطقة الحساسة

لا تقعدين تحوسين وتخربطين أشكال وألوان في ذيك المنطقة ..
إسمها منطقة حساسة لأنها حساسة
لا تستعملين كريمات من راسك لها .. استشيري الطبيبة أولا

ونعيييييييييييماً ياحلوات

وهذا وصلى الله على نبينا محمد

والسلام عليكم ورحمة الله وبركاته



منقووول http://www.ly2l.org/vb/images/smilie...com%20(25).gif