*
*
*
.
.
امي امي فرج همي عسى ماعدمها ..
عالي مستواها
جنة الخلد مدخل بابها من قدمها .
والله اللي حباها
وسط قلبي سكنها وفيه رفرف علمها .
والمحاني حماها
افخر و يرتفع راسي وانا من خدمها..
وارتفع في رجاها
غصب عني رجا و خوف و حنان احترمها
ويغمرني ثناها
يسعد الله صباح الخير من نطق فمها .
و يسعد الله مساها
هي حياتي بزينتها ولذة طعمها .
ياعساني فداها
هي ورق ذكرياتي والحروف و قلمها .
قصدها و منتهاها
اركع لطاعة الله محرم في حرمها .
راس مالي رضاها
يكفي اني وانا النادر ربيت بقممها .
ماكري في حشاها
صرت حر لاهازت طويلة هزمها..
وانثني مع نداها
هي كنانة سهوم العز وانا سهمها..
وارمي اللي رماها
تفتخر بي وانا افخر والفخر من شيمها .
والسعد من عطاها
ياعساني طريح الموت قبل اعدمها..
وجعل عمري فداها
*•*