[gdwl]
ياسيدي سلمان سمع وطاعة
حنا تحت شورك بأيات ساعة
مبايعين آل السعود القادة
وبحكمهم ما نسمع الطماعة
اليا دعونا بالمواقف جينا
واللي يعاديهم ندك قلاعه
وان قدموا منهم زعيمٍ مخلص
والله ما نرمع بالعلوم رماعة
تحت امرك وحنا ترانا عيالك
المملكة وشعوبها منصاعة
ونبايع اللي للبلد حنّكته
سبعٍ تسلسل من ظهور سباعه
سياسي وتنبي عنه وقفاته
صامل وهدّاته ترا قطاعة
دون الوطن وقيادته وشعوبه
كم من عدوٍ ذاقه من ذراعه
محمد بن سلمان حرٍ نادر
كم حاكمٍ يخلف جميع اسناعه
نبايعه ولي عهد الدولة
حكامنا لهم السمع والطاعة
اليا ترجل فارسٍ جا فارس
ماجو غدر والا خذوها قلاعة
حاضرهم يوضح لنا ماضيهم
يبايعون اللي طويلٍ باعه
حكمً على القرآن هو والسنة
ما هو بحكمٍ غادرٍ باتباعه
يمد كف ويغدرك بالاخرى
ودايم عليك يدوّر الفزاعة
لابارك الله بالردي واصحابه
اللي على جاره تزيد اطماعه
والله يعزك ياوطنا الغالي
بظل أهل العوجا تراك وداعى
حكامنا لهم الولا والبيعة
ولامر الملك نقول سمع وطاعة
================
تحياتى لكم
ألإحــــــ13ذوالقعدة1438هــــــ،ـــد..