اتمنى انكم تساعدوني في حل مشكلتي

السلام عليكم ورحمة الله وبركاته
كيفكم؟؟
انشاءالله تكونو بخير
انا مشكلتي حبيت واحد من كل قلبي
وقصتي: لما خلصت المدارس قررنا انا واختي نسافر عشان نتعلم انجليزي وبعد ماسافرنا واول يوم كان فيلو نروح المعهد حق تعليم اللغه الانجليزيه كانو في اولاد كتير من نفس بلدناوانا واختي البنتين الي في المعهد ومن يوم مادخلت شفتهم بس حسيت واحد فيهم بس يطالع فيا وحتا اختي حست انو بيطالع فيا بنظرات ممكن تكون اعجاب وكان دايما يحاول يتقرب مني يعني يحول نكون في اماكن لحالنا مع بعض ويحب يجلس يتكلم معايا ولو كنت جالسه معا الاولاد الباقين بتكلم وهوا كان معانا يفضل يطالع فيا كانو بيتاملني وهدا الشي الي خالني احبو وخلاني اتعلق بيلو واختي اتعرفت على واحد تاني واعترفلها انو يحبها وهيا اعترفتلو انها تحبوبس انا الولد الي حبيتو كان بيلمحلي يعني مااعترف ومرت الايام وجاء اليوم الي حيسافر فيلو لانو مدتهم كانت اقصر من مدتنا وخلاص حيرجعو فطبعا انا واختي زعلنا والولد الي حبيتو زعل مرررا وقلي انشاءالله نتاقبل لما ترجعي بسلامه وقلي مستحيل انساكي وياريت لو ماتنسيني وحبيبي اختي برضو ودع اختي وقالها انشاءالله نتاقبل هناك... وبعد ماسافرو كان حبيبي دايما يتصل عليا ويطمن عليا وبعد ماجا اليوم ورجعنا خلاص فيلو كانت المعامله نفس ماكنا هناك مااتغير وامكن سار احسن وبعدين فتره مرت يعني اسبوع او ثلاث ايام ماكلمتو ولا كلمني واتفاجأ في يوم انا واختي كنا جالسين على المسن دخل على اختي وجلس يكلمها وهدا شي عادي بس المصيبه انو قالها انو يحبها وهوا عارف انو صاحبو يحب اختي واختي تحبو... اختي كانت من هناك معجبه فيلو ومن هناك انا قلتلها احبو وقالتلي اصلا انا حبيبي مكفيني وهوا زي اخويا فرتحت.. وانصمدت انو اختي ماقالتلو لا انا احب صاحبك ولا انتا زي اخويا ولا شي.. بلعكس قالتلو انا احبك وكمان بتقولي شوفي اعترفلي انو يحبني وطبعا انا من جواتي بحترق لو هوا كان يحب اختي ليش كدا كان يعمل معايا وانصدمت باختي انها ماصدتو وبلعكس كملت معا ومع صاحبو الي هو حبيبها الي اتعرفت عليه هناك وماعرف حبيبها اول واحد انها بتكلم صاحبو الي حبيتو
وانا مني عارفه ايش اعمل بحترق من جوه كل ماتجي تقولي ايش قالها وايش قالتلو وانا عارفه اختي دايما تحب تقولي اي شي في حياتها

يريت لو تساعدوني ايش اعمل لانو مني قادره انساه وبتعذب من جوايا وبتقطع خاصه انو حب اغلا انسانه في حياتي اختي؟

وكمان ليش تركني كدا فجاه وراح لاختي؟؟

واختي ليش رضيت تكمل معا مدام عندها حبيبي وعارفه كمان اني احبو؟؟

يريت لو تساعدوني في اقرب وقت وشكراً

مسـاء / صباح... الخير
أنا من رايي ياشوشو
انكـ تكلميه وتصارحينه بالموضوع
اتوقع كذا بتعرفي رده فعله اتجاهكـ
اذا كان يحبكـ ولايحب اختكـ

حبيبتي..
أنا ماأعرف انتي من بلده..
بس بقووولك وجهة نظرري..
مافي شخص يحب شخص ويتخلى عنوو ببسااااااااطه..
واللي بااعك بيعيه..
والله العااالم تكووون هذه خيره لك..
وكلمي اختك تحاااول تبعد عنهم اثنينهم..
وقوليلها اللي سوا فيني كذا حيجي اليوووم اللي يسووي فيك زي ماسوا فيي..



مووودتي..

مسـاء / صباح... الخير
أنا من رايي ياشوشو

اختى الفاضله

اولا تحمدى ربك انه ابتعد عنك

لانه لا يناسبك لا انتى ولا اختك

وهنا انا

اسمى هذا الحب هو بزوغ للشيطان لم يستمر وذلك ربما يكون بدعاء والديك او بتحصينك من الاذى

وهنا اعتبرى ماحصل سحاب وعدا

واتمنى لك التوفيق فى انسان يتقدم لك للزواج وليس بحب عابر ينتهى كقصص الافلام


توجهى لربك بالحمد والشكر

والله يوفقك

اممم
من خلال قرائتي لك
ان هذ الشاب مايعرف شي اسم حب لو يحبج مثل ماقالت اختنه ماتخلى عنج بالسهولة.. ومثل ماقالت ال ي باعج بيعيه وهو يمكن يكذب على اختج بعد....
واذا تبين تراتحين قولي حق اختج الي بقلبك اونج حبيتيه وان ماتوقعتي من اختج تعمل كذا وكذا....... عشان يبرد قلبك

اعوذ بالله
والله انها فتنة الحياه
كيف تقبل ان تذل نفسها هكذا
اين دينها وحياءها كيف تخسر ثقه اهلها
وتجلس مع اولاد لايجوز حرام
اختي لو انك سلكتي الطريق الصحيح لماصار كل هذا
احترمي ذاتك وهذا الحب فتنه ولايستحقك نهائيا
الله يهديكم يارب

اللهم ااكفنا هذه المصائب
أين دينكم ماذا علمكم الاسلام
لا حول ولا قوة الا بالله