قبوط

قبوط هو عباره عن عجينة من دقيق البر تعجن بالماء والملح
وتحشى بالبصل ويصير بعد نسويها بدون حشو البصل بس عجينه خاليه
وتطبخ في مرق الدجاج
بس هي طبخه شوي يبيلها صبر وواسعة صدر وبال طويل
والحين بقول لكم المقادير بعدين اذكر لكم الطريقه مع الصور
دجاجة وحده مقطعه 8 قطع منزوعة الجلد
حبتين طماطم مقطعه
بصله مفرومه
ثلاث فصوص ثوم
البهارات
بزار وفلفل اسود وملح وكركم كمون وكزبره ناشفين مطحونين
....
مقادير الحشوه
2 بصل مفرومين
كزبره مفرومه
البهارات المطلوبه للحشو
بزار نص ملعقة صغيره
نص ملعقة صغيره فلفل اسود
شوي كركم
ملعقتين صغار ليمون اسود اللي طحناه
.....
مقادير العجينه
4 كوب دقيق بر منخول
شوي ماء
نص ملعقة صغيره ملح
نص فنيال زيت
ماشاء الله تبارك الرحمن
هذي صورة ل لب الليمون الاسود ناخذ الليمون الاسود نكسره ونشيل الحب منه
ونرميه
ونطلع اللب اللي فيه هذا مثل ماتشوفونه وبعدين نطحنه ادري بتقولون لي
سالفه طويله عريضه بس ماكو مشكله اللي ماله خلق ينتف الليمون
يروح لحرمته ويقولها كم كلمه حلوه ويعطيها الليمون تنتفه له وتطحنه
وهي جالسه قدام التلفزيون تطالع مسلسلها
المووووهم
انا افضل اعمل هالشكل يكون احلى وانظف
بس انتوا بكيفكم اذا تحبون تستعملون ليمون مطحون جاهز
وانا هنا استعملت الليمون الابيض اللي يجي شوي فاتح مو اسود



بعدين نعجن العجينه بالماء والملح واخر شي بعد مانخلص نحط عليها الزيت ونتبدي نعجن مره اخرى وخلاص نغطيها ترتاح لين يحين موعد حشيها



احين نحمس البصل في الزيت مع الثوم والبهارات
بزا وفلفل اسود وملح وكركم كمون وكزبره ناشفين مطحونين



بعدين نحط صلصة الطماطم علبة كامله ونحرك ثلاث دقايق لين تصير شكلها كذا وبعدين نضيف الطماطم



ونضيف الدجاج ونقلب وكذا شكله يصير ونخليه شوي عالنار على مايصخن الماء للمرق



نضيف الماء ونحرك شوي





نسكر القدر هالشكل ونخليه على نار وسط لين نص ساعه فقط او اربعين دقيقه بكفيكم



والحين نسوي حشوة البصل نحط البصل وفصين ثوم مطحونين والبهارات المذكوره للحشوه



نضيف الكزبره ونحرك




يتبع .... يتبع

نحشيها هالشكل



بعدين نكورها كور صغيره واهم شي ندهن شوي اليد بالزيت وحنا نكور ونرش الصينيه بطحين شوي عشان لما نحط الكور ماتتلصق



وبعد مايستوي الدجاج نشيل الدجاج على جنب وننزل الكور في المرق
ونغطي القدر ونخليه يستوي مدة خمسين دقيقه فقط وبعد مايستوي العجين نرجع الدجاج للقدر
وهذا شكله بعد ماستوى








تفضلوا بالهناء والشفاء ان شاء الله

شكرآأ لك على الاكله الغريبه
في انتظآأر القآأدم
ربي يسعدك ...

يعطيك العافيه على الطرح
دمت ودام عطائكٍ السخي
ودي وتقديري

ذوقتها قبل تجنن ولذيذه بس ماكنت ادري هذا اسمها


انتقـآء رآئــع, وطرح جميــل كجمال روحك
دآئمـآ مآنرى الإبدآع والتميز يلآمس انتقائك
ربي يعـــآفيك وآلف شكـر لك.
دمت بكل خير وسعادهـ
مع أصدق التحايا القلبية

http://im39.gulfup.com/1bqts.gif

شذى شكرا لك على الطبخه
في انتظار القادم ...

موضوع .ِرإْئع,ِوشيق,

ِ آشكرك علىاختيارك الجميل,ٍِ

ولاتحرمينا,ٍ من ,ِ ابدآع,ِ

ما تكتبه ,ِ أنآملك,ِ

يسـآـمّّمّمّمّمّـــــــؤٍُِّّؤٍُِّّّؤٍُِّّإْءء

,ِ{يدك.ِعلى,ِالطرح,ِ الجميل,ِوالرآئع,ِ}


تحيآتي,ِ لك.

[/quote]