المانتي التركي بعجينة البف باستري 🤩

طريقة عمل المانتي التركي بعجينة البف باستري 🤩

اليوم عنا طريقة عمل أكلة من أكثر الأكلات المشهورة بتركيا و المتوفرة عنا بالوطن العربي بكثرة ولكن طريقة التحضير مختلفة جدا عن بعضها طريقة عمل المانتي التركي بعجينة البف باستري أو بإسم تاني الشيش برك هنعمله بطريقة جديدة غير عن المعتادة و بتمنى تعجبكم الوصفة و تجربوها و إذا عجبتكم الوصفة و جربتوها لا تنسوا تكتبوا لي رأيكم بالتعليقات يلا نبدا مع بعض

المكونات:
6 قطع من عجينة البف باستري
الزبادي بالثوم

مكونات اللحمة المفرومة:
250 جرام من اللحمة المفرومة
1 حزمة من البقدونس
1 حبة من البصل
1 حبة من الثوم
1 ملعقة صغيرة من الملح
1\2 ملعقة صغيرة من الفلفل الأحمر
1\2 ملعقة صغيرة من الفلفل الأسود

مكونات الصوص:
1 ملعقة كبيرة من الزبدة
1 ملعقة صغيرة من الفلفل الأحمر
1 ملعقة صغيرة من النعناع اليابس

طريقة التحضير:
1- بالبداية لتجهيز مكونات الحشوة هناخد حبة من البصل و نفرمها على شكل ناعم و بنفس الطريقة هناخد حزمة من البقدونس ونفرمها على شكل ناعم
2- اما هلق هننتقل لتجهيز الحشوة و هنضيف في طبق مناسب اللحمة المفرومة، البقدونس و البصل اللي فرمناهم، الثوم، الملح، الفلفل الأحمر و الفلفل الأسود و نحرك كل المكونات مع بعض منيح
3- اما هلق هناخد 6 قطع من عجينة البف باستري و نقطع كل قطعة من البف باستري ل 18 قطعة متساوية بعدين
هنضيف على وسط العجينة شوي من حشوة اللحمة المفرومة اللي جهزناها
4- و لما نخلص هنسكر قطعة عجينة البف باستري على شكل المانتي متل اللي بالفيديو و هنكمل بنفس الطريقة لحتى تخلص معنا كل الكمية
5- اما هلق هنحط قطع المانتي اللي جهزناهم في صينية الفرن على ورق الزبدة و هندخلهم على فرن حامي على درجة حرارة 180 لمدة 30 دقيقة تقريبا
6- و بهالوقت هننتقل لتجهيز الصوص و هنضيف في مقلاة مناسبة شوي من الزبدة و نتركها لحتى تذوب بعدين هنضيف الفلفل الأحمر و النعناع اليابس و نقليهم مع بعض
7- و لما تخلص معنا المدة و نطالع المانتي من الفرن هنضيفهم في طبق التقديم و نضيف عليهم اللبن بالثوم أو باسم تاني الزبادي بالثوم و نضيف شوي من صوص الزبدة اللي جهزناه و هنقدمهم بالشكل و الطريقة اللي منحبها
و صحة و عافية