رمز الجنوب : الله يحيك .. آمري
Look for a friend : حابه أتعرف بس
رمز الجنوب : ما عندي بطاقات شحن جوال
:Look for a friend ههههههههههههههههه
Look for a friend : لا تخاف .. ماني طالبتها منك ..
Look for a friend : شكلك مشغول
رمز الجنوب : تقدرين تقولين كذا
Look for a friend : وش مشغول فيه
رمز الجنوب : أصمم
رمز الجنوب : سؤال ؟؟ كيف جبت أميلي ؟
Look for a friend : لقيته في أحد تصاميمك وخذته .
رمز الجنوب : أها ..
Look for a friend : وش تصمم
رمز الجنوب : بطاقة تهنئة رمضانية
Look for a friend : ماشاء الله عليك .
توقفت المحادثة خمس دقائق تقريباً
Look for a friend : من وين أنت
رمز الجنوب : من الأرض
Look for a friend : ههههههههههههه
Look for a friend : لا عن جد
رمز الجنوب : من السعودية
Look for a friend : ونعم
رمز الجنوب : الله ينعم عليك
رمز الجنوب : أقدر أخدمك بشيء ؟
لأني بطلع بعد شوي
Look for a friend : لا قلت لك حابه أتعرف بس
رمز الجنوب : وش الفايدة تتعرفين ؟
دوري بنات أزين لك
Look for a friend : عندي بنات بالماسنجر ..
بس سواليف الحريم ممله
رمز الجنوب : وسواليف الرجال بعض الأحيان ممله
Look for a friend : والله على حسب من تكلم
فيه ناس عندهم روح الضحك وناس مللين
رمز الجنوب : متزوجه أنتِ
Look for a friend : أمممم مدري
Look for a friend : ليه ؟
رمز الجنوب : لا بس .. حاجه في نفس يعقوب
Look for a friend : أيه متزوجه وعندي
ولد وبنت
رمز الجنوب : ماشاء الله ؟ يتربون في عزك ..
زوجك موجود
Look for a friend : موجود ولاهو موجود
رمز الجنوب : شلون تجي هذي ؟
Look for a friend : زوجي راعي سفريات
وروحات
وجيات .. ما يجلس في البيت إلا في اليوم
ساعه
تقريباً بس وبعض الاحيان يغيب أيام
رمز الجنوب : طيب عندك أولاد وعند زوج ليه تدورين
أصدقاء !!!!
Look for a friend : حطيت يدك على الجرح ...
لما
يكون زوجك ما يدري عن مشاعرك
ولا يقدرك يكون هذا
الحل
رمز الجنوب : من يقول أن هذا الحل ؟
رمز الجنوب : تعرفين شيء .. أنتِ الآن ..
تتوقعين
أنك تعاقبين زوجك بالبحث عن أصدقاء .
والحقيقة
أنتِ تعاقبين نفسك .. وتعاقبين أولادك بعد
Look for a friend : أعاقب نفسي وهو معي بعد
رمز الجنوب : هو ما يدري أنك تكلمين أحد فلذلك هو
ما يحس بهذا العقاب
Look for a friend : مصيره يوم يحس
رمز الجنوب : طيب أولادك ؟ مو حرام يطلعون على
الدينا على أم تسوي كذا بيتها ؟
Look for a friend : معليش كتابتي بطيئه شوي
عندك مايك
رمز الجنوب : لا ماعندي عندي سماعات بس
( أنا عندي بس ما أحب أتكلم بالمايك ... )
Look for a friend : طيب أنا أتكلم وأنت أكتب
رمز الجنوب : على راحتك
أرسلت طلب محادثة صوتية
Look for a friend : السلام عليكم
رمز الجنوب : وعليك السلام
Look for a friend : صوتي واضح
رمز الجنوب : يس
Look for a friend : طيب يا الغالي .. إذا كان
عندك زوج ومطنشك ولا يعطيك وجه كأنه مأخذ وحده
مسيار تتوقع أنا بنكون وفين له
رمز الجنوب : طيب سؤال ؟ أنت الآن تبحثين عن
صديق لأجل تشبعين رغبتك العاطفيه ؟ أو لمعاقبة
زوجك ؟
Look for a friend : كلهن
رمز الجنوب : طيب ليه ما حليت الموضوع معه
عن هذي المشكله
Look for a friend : حاولت ما قدرت مايفهم
Look for a friend : تدري .. أول ما أخذني ..
كانت حياتي قمه في الروعه وكنا رومنسين مع بعض ..
وكان يضحك ويمزح ولكنت أقول يا حضي به .. لكن بعد
مرور سنه .. تغير مره مره وأنقلب لواحد .. ما يعرف
معنى الحياة الزوجية
رمز الجنوب : طيب أطلبي من أحد أخوانك أو أهلك
يتفاهم معه
Look for a friend : أهلي بعيدين عني يمكن
400 كيلو .. مره كلمه أخوي وقال لأخوي بالعكس أنا
دايم عندهم وووو ( وصار يكذب على أخوي )
Look for a friend : وفيه صفه أنه عصبي مره
مره مره
رمز الجنوب : إذا كان هو كذا .. ناظري أولادك ؟؟ يوم
من الأيام راح
يعزونك عنده .. فقط المسألة مجرد وقت لين يكبرون ..
( تغير صوتها إلى محزن .. فيه شوي بكاء )
Look for a friend : ما تدري كم حجم معاناتي ...
وإذا نظرت لعيالي تخنقني العبره
( صارت تبكي أكثر )
رمز الجنوب : لكن .. هناك حلول كثيرة ..
Look for a friend : مع هذا الشخص مافيه حلول
رمز الجنوب : دامك تقول هذا فأعرف أنك ستستمر
معاناتك ..
لأنك تحط في طريقك حصاة ولا تبغى تفكر كيف
تشيلها ..
عن طريقك .. يعني راح تكونين في مكانك
رمز الجنوب : مافيه إنسان على وجه الأرض
ما يتغير .. مهما كان قوته وجبروته وزوجك
سهل تغيره .. لأني مثل مافهمت كانت أول سنه
رائعه بالنسبه لك يعني الرجل يمكن يتغير .. لكن
قد يكون هناك سبب على تغيره ولازم تدورينه ..
رمز الجنوب : ولازم تفهمين أن لكل إنسان مفتاح ..
أكيد لزوجك مفتاح دوريه
Look for a friend : طيب أبغى حل .. لا تقولي
أقنعيه ؟ أو أرسل أخوانك جربتها معه
رمز الجنوب : لازم تفهمين أن لكل مشكله لها حل ..
بس الذكي وهو إلا يحلها والحلول كثيره جداً إذا الواحد
جلس معه نفسه وصارحها وفكر بعقل وليس بعاطفه
صدقيني راح تلقيت ألف حل قدامك ..
رمز الجنوب : طيب عندك استعداد تنفذين إلى أقوله ؟
Look for a friend : عندي مليووووون أستعداد
( طالعه من قلبها من جد )
رمز الجنوب : أولاً .. الدعاء إلى الله وخاصة في
أوقات الاجابه وآخر الليل
رمز الجنوب : ثانياً ... أبغاك تحطين أولادك بين
عيونك وتخلينهم رمز لك أبغاهم يعتزون بك وتكونين
أم قويه تعرف كيف تحل مشاكلها مو تزودها
رمز الجنوب : هذا رقم جوال الدكتور ( ميسره )
وهذا
رقم الدكتور ( العنزي ) وهذا رقم الدكتور
( مصطفى أبوالسعد ) كلهم متخصصين في مثل هذي الأمور ..
كلميهم .. وصدقيني راح يعطونك حل ..
Look for a friend : طيب بكره بكلم
رمز الجنوب : لا .. الآن .. الساعه الآن ثمان
موجودين بعدين جوال مو عياده ..
( كأنها متردده )
رمز الجنوب : ها أتصلت
Look for a friend : لا .. بتصل ألحين
( كنت أسمع المحادثة صوتها بس لكن الدكتور ما أسمعه )
بدت تشرح للدكتور وهي تصيح حوالي نصف
ساعه
Look for a friend : كلمته
رمز الجنوب : بشري ..
Look for a friend : كلامه روعه وعطاني أشياء
فعلاً كنت غافله عنها بس طلب رقم زوجي وقال بكلمه
لك .. وعطيته ؟ وش رايك مدري خايفه
رمز الجنوب : أسمعي .. أكيد هو قد حل مشاكل كثيره
مثل هذي ، ويعرف كيف يتفاهم مع زوجك .. لذلك أهل
مكه أدرى بشعابها .. وحتى لو ما كلمه .. على الأقل
أعطاك حلول ..
Look for a friend : مدري خايفه
رمز الجنوب : أولا روحي الآن صلي ركعتين وأدعي
ربك وطبقي ماقاله لك الدكتور
Look for a friend : طيب .. بروح وأرجع
رمز الجنوب : الله يوفقك ولا تنسينا من الدعاء
( غابت حوالي نصف ساعه )
صارت ترسل لي إشارة تنبيه ورى بعض ؟؟
وينك موجود ؟؟؟ أنت موجود
Look for a friend : رد علي بسرعه
رمز الجنوب : شوي شوي ... سلامات ؟
Look for a friend : أتصل زوجي تو ..
وقال أنا جايكم ؟ أخاف الدكتور كلمه ؟
رمز الجنوب : إن شاء الله خير .. أستعيني بالله ..
وروحي الان تزيني له وزيني أولادك ولبسيهم أحلى
شيء عندك .. وخليهم في إسقباله عند الباب
Look for a friend : طيب طيب بروح الله يستر
رمز الجنوب : قبل .. لا تروح بقول شيء ..
Look for a friend : تفضل بس بسرعه
رمز الجنوب : إلا بيصير مكتوب عند الله ..
أستعيني بالله ..
أبغاك تقول لنفسك أقدر أحل المشكله
وأعرف كيف أتفاهم معه .. يعني وش بيصير أكثر
من إلا صار ؟؟ جمعي كلامك ورتبيه وتحاوري معه
بالكلام الزين بدون أن تستفزيه وحاولي ما ترفعين
صوتك عليه .. وإذا شفتيه بدأ يهدى عطيه من
الذكريات وإذا شفتيه غضبان
ذكريه بعياله ..
Look for a friend : طيب إن شاء الله في آمان الله
رمز الجنوب : علميني وش يصير معك .. الله يوفقك
Look for a friend : طيب أدعلي ..
رمز الجنوب : ربي يوفقك
بعدها .. أنقطعت الاخبار ؟؟ ما عاد شفتها ذيك
الليله جاء بكره ولا دخلت ؟ أنتظرتها ثلاثة أيام ..
والحقيقه كنت خايف قلت يمكن صار لها شيء ..
بعد أسبوع تقريباً .. لقيت رساله على
الايميل عنوانها رمز الجنوب أنا فلانه أدخل
فتحت الرساله لقيت مكتوب في الرساله
( رمز الجنوب السلام عليكم ورحمة الله وبركاته ..
ما أدري وش أقول لك ..
تراني أدعي لك في كل صلاتي ..
وأنا أكتب لك هذي الرساله وأنا أبكي ..
فقد كلم الدكتور زوجي وتكلم معه حوالي نصف
ساعه ثم أتصل
على الزوجي وقال لي الآن في الطريق ..
بعد ما أغقلت المحادثة معك أتصل علي الدكتور
.. وعلمني
وش قال لزوجي وعلمني وش أسوي
.. الحقيقه .. دخل مثل الاسد ... بجبروته وغضبه ..
قلت في نفسي
وش بيسوي يعني مافيه أكثر من إلا صار ..
أول ما دخل قالي من سمح لك تكملين دكتور
.. قالت له
أنت .. شف حياتي .. وشف حياة أولادك ..
كأنهم أيتام .. مالهم أب .. أخذتك عن قناعة ..
بيت مافيه رجال
مثل الخيمة بلا عمود ... بعدها .. هدأ شوي ..
وأخذنا نتناقش وذكرته بأيام شهر العسل
حتى وصلنا لحل ..
أنه ما يطلع من البيت واجد وأنه يجلس مع
أولاده ويطلع بنا نتمشى مثل الناس ..
وأنا أتزين له وألبس له
أفضل شيء وأخدمه .. وأسولف معه
وأشوف وش محتاج وأشاركه همومه .. وأهتم بعياله ..عشت
الأسبوع هذا أحلى من أيام شهر العسل صدقيني
كان حلي أني أبحث عن صديق أكبر
خطأ مر علي في
حياتي ..
رمز الجنوب ... إذا أنت متزوج أو ناوي
تتزوج .. تكفى لا تخلي زوجتك يصر
لها مثل ماصر لي ..
أعطف عليها ..
وأشبع رغباتها العاطفيه .. تذكر أن لك أخت
ولا تبغى زوجها يهينها .. عز أولادك وزوجتك
.. لا تترك عندهم
فراغ .. وقل لزوجتك .. تزيني لزوجك ..
وأهتمي بمضهرك وخلي كلامك معه نعومي
وأهتمي بمضهر
أولادك .. خليهم يشوفون أبوهم أنه أفضل
أب في الكون .. وأمهم أفضل
أم في الكون ...
أتمنى أنك تحذف إيملي من الماسنجر ..
وتذكر أنك لك أخت أسمها أم فهد تكفى ..
أدع الله يثبت الامور على كذا ..
ولا تنساني من الدعاء
أختك أم فهد ... )
أنتهت الرساله ..