شاعر نصراوي يرد على شاعر هلالي

سبورت- الرياض:
تفاعلت جماهير نادي النصر مع قصيدة المشجع الهلالي والتي تغنى بها بالفريق الازرق وتطرق فيها الى نادي النصر وتلقت سبورت عدد من قصائد الرد من الشعراء النصراويين حيث يقول امبراطور النصر:
هذه القصيده ردا على من سمى نفسه بشاعر الهلال وقام بهجاء النصر العالمي ارد عليه بهذه الأبيات :

غصب عليكم عالمي غصب اقوله **** العالمي رغم أنفكم رافع الرأس

العالميه تفتخر في وصوله **** وانته مكانك تضرب أخماس باسداس

راوح مكانك ما أنت كفو البطوله *** نصيحتي خلك على ما أنت لاتداس

يا صعبها ( يالحالمي ) صدق أقوله **** حدك عريجا وإن تعديت لأنكاس

ماهي أماني من تمنى ينوله *** ولا هي سوالف تنكتب فوق قرطاس

فيما كتب الشاعر قنوع ابيات شعرية ردا على الشاعر الهلالي حيث قال:


بسم الله من كل مارد وشيطان /// بسم الله اللي عليه اتكالي
سلام يانصر الرجال الشجعان /// سلام مرسول لنصرنا الغالي
عشق النصر يجري بالشريان /// عشقٍ يضرب به كثير امثالي
مسكين اللي ما عنده كحيلان /// لأشك عايش في غربالي
اسمعها يا هلالي يا زعلان /// دربك مظلم ونهجك ظلالي
التحكيم مع هلالك خلان /// بدونه الفوز صعب المنالي
العالمي وعلى مر الأزمان /// عالي وشامخ مثل الجبالي
ماجد معانده لأشك خسران /// ولابـه مقارنه اول وتالي
فديت الهريفي مع الجمعان /// كم اسهروك طول الليالي
جاكم السهلاوي مثل الشيهان /// مع كتيبة نصر الأفعالي
الشمس تشرق على السكّان /// ويغيب هلالك ولابه مجالي
ياهلالي تعاني من الحرمان /// خلف العالمي نصر الغوالي
فارس نجد راجع ياجيران /// راح وقت المزح والدلالي
نكتب قصيدة تحرق الغلطان /// وما علينا من هروج الهبالي

والله قصيده روووووعه


صح لسان من قالها


وسلمت يدك على نقلها


الله عليك يالعالميه ابدعتي

تسلم اخوي عشق بدوي

تعلمنا الابداع منك

يالبي النصر فوديته تسلم ناميلكي الله يحفظكي

سلمت يدااااااااااااااااااااااااااااااااااك صح لسانك اخوي ميمو

روعه ...ولآ ع ــدمنآ تميز انآملك الذهبية
ودآم بح ــر عطآئك بمآ يطرح متميزآ
مآآآآآنـــــنـــحرم من جديد آلمتميز

قصيدة رائعة

مبروك نور للنصر وان شاء الله ربي يوفقه مع العالمى

قصائد حلوه ولكن انا ضد التعصب الرياضي