ذكريات

البارحه ماجاني نوم

قمت اذكر زمن اول العام الاول

يوم اتفرح لشاى امي وافطار امي

وضحكتى بالفرحه

والسلى ماشفته غير عندها

قالتها حنونة البيت

احب جمعتكم والفرحه تجمعكم

الله لا يفرق صحبتكم

جلست بجوارها ع الكرسي

اشرب الشاى والسموار وريحة الحيف

خبز البيت

وريحة الدخون حق امي

ااه يامي

واناظر سريرها ونورها يشع بالبيت

ااه يامي

والشنطه مافيها غير الدواء

الوان منه للسكر والضغط والقلب يشكى

تناولنى ايدها اقبلها

وانا بقلبي ابكى

والتنهيده تنسمع من صدري

شربت الشاى من ايدها

والسموار دوم يغلي

شاى ماطعمت مثله الى

الان طعمه فى فمي



ونضحك انا وياها نتذكر اخوي واختي

ويجى عبدالله يشرب الشاى وياكل الحيف

وتعطينى الحاليل والصنبره تخبيها لي من اختي



وفى الليل تخاف انى ما تعشيت

وتعشينى

وتقفل بابها تسبح وتسجد

ااه يامي

تحرم نفسها تعطي ولا تطلب

حنونه

زاد المرض فيها وهى تبكي

وفى نهاية صفر انطفت شمعة البيت وكان يومها حزني



وجاء رمضان وعينى ع دارها العين تبكي

تخيلتها وهى تقول وينك يانور العين

تعطينى التمره والشربه

والنوربطلتها يضوي

ااه ياامي

دمعتى لفراقها بعدها ما تهنيت


اخاف اموت ومحد عني يدري

وزرت الحبيب احمد وسلمت عنى وعن اهلي

والصحب وا ل البيت

والقلب لفرقاهم يبكي

ودعيت ربى بالرحمه لها وقلت يارحمن امانه امي
عندك هى جنتى ورزقي



يارب ارحمها

واسالك يارب انى اوفيت

وبار بها ورضاها عنى


يارب رحمتك توصلني

هى ماماتت والله انها ساكنه بقلبى

فى ليلي وصبحي

يارب اجمعني بها فى

جنتك

وخفف عنى فى قبري

والفاتحه

لها ومن معها واشملنى

ياربى