قصتي ليلة زواجي

طبعا بما أن القسم اسمه قسم المتزوجين

يعني العزاب افهموها ومن غير مطرود هههههههههههههه

يارب الكل يكتب في هالقسم وما يبقى أي عازب أو عزباء بدون زواج , يارب يتزوجون الناس كلهم يارب يارب وما يبقى ولا انسان عازب ولا انسانه عزباء ابدا

والسامعين قولوا آمين

قولوا آمين


أكيد كل واحد والأغلب كل وحده حصل له موقف مضحك وأحيانا يفشل وأحيانا من كثر ما يفشل ما ود الواحد يتذكره

ياليت اللي عنده موقف والا حاجة غريبه حصلت يقول لنا

أنا أغرب شي حصل اني بعد ما رحنا للأوتيل وجلسنا نسولف وكنت طبعا متوتره أول مره اجلس مع انسان غريب لا وبنص الليل بعد

اللي صار اني حاولت اطمن نفسي ولما حسيت بالأمان وراح عني الخوف وقلت الحمدلله شكله طيب وما فيه شي يخوف اقولها بس علشان اطمن نفسي وارجع الثقة في نفسي اللي طارت من عند باب الفندق

شوي الا وأنا أسمع صوت مدوي يرج الاوتيل

فلت اكيد حريق قاعده أفكر بس كيف أهرب بفستاني لازم أهرب ومعاي أحد يشيل لي فستاني
طبعا ابو الشباب طلع ركض مسوي فيها ناين ون ون

وشوي الا والصوت والصراخ يرتفع

قلت أكيد هذي فيفي عبدو نازله فندقنا تعرفون صيف والمهرجانات ياكثرها

بدأ الصراخ يرتفع وبيني وبينكم فكرت أشيل فستاني واطلق أقدامي للريح

وشوي ما عاد سمعت شي

استغليت خروجه من الغرفة والتهمت لي لقمتين , ا للقمة الاولى قدرت أبلعها والثانيه بعد قدرت أبلعها

شوي ويرجع الصوت يعلا من جديد وترجع فكره اني أشيل فستاني واطلق أقدامي للريح مره ثانيه

أخيرا ما عاد سمعت شي الا وينفتح الباب ويجي ابو الشباب 00 يقول لي عالأخبار

خير أيش فيه وش صار

لا خلاص صالحنا بينهم
وطلع الرجال متهاوش مع زوجته وهي تصارخ عليه تبي بيت لحالها وهو رافض الا تسكن مع أهله