اليوم عيدك ياوطن ونرفرف بعلم المنصوب

http://www.youtube.com/watch?v=d-DV3OswzeY&NR=1

تباشري بالخيـر يـادار الاخيـار=الشعب ينعـم والحكومـه رشيـده

تفاخـري يادارنـا سـر وجهـار=منبع وحي واللي يحكمـك وليـده

خيره على شعبه مثل وبل الامطـار=يمنى كريمه والشجاعـه رصيـده

زعيم مامثله حكـم بيـن الاقطـار=يفخـر بشعبـه وامنياتـه بعيـده

صقرالعروبه مبهـرِ كـل الانظـار=في كـل يـوم ومكرماتـه جديـده

الطف على شعبه من الوالد البـار=الجـود قمـه وابومتعـب حفيـده

حبه لشعبـه ماسمـع فيـه بـوار=يجري بمجرا الـدم داخـل وريـده

من راس ابوتركي ومن طلع سنجار=رمز الشجاعه والكرم سيـد سيـده

يادار غني له وفـا عشـق يـادار=غني في ابومتعب تزين القصيـده

يادار في عينـه تباهـي بالانـوار=زيدي لبومتعب عسـى الله يزيـده

صميدعِ ماخلـق مثلـه ولا صـار=تسامحـه عـم النفـوس الحقيـده

عطفه شمل من خططوا له بالاشرار=حتى عداه مـن العفـو مستفيـده

وان كبرت القولات بيمين ويسـار=الكـايـده والمعظـلـه ماتكـيـده

حكمه وقوه والشجاعه لهـا ادوار=يقود شعبـه وابوخالـد عضيـده

ولي عهد المملكـه واف الاشبـار=سلطان لا قـام الضديـد لضديـده

يعرف بوقفاته مـع فزعـة الجـار=يوم الكويـت مذيـرِ مـن حديـده

وقف وشال الحمل قنطـار قنطـار=رجل الشدايـد فالسنيـن الشديـده

والعذر منكـم ياطويليـن الاعمـار=وفاكم اكبر مـن بيـوت القصيـده

انتم هل الطولات وانتم هـل الكـار=واهل الفعـول الثابتـات الاكيـده

من دون طيبه والحرم درع واسوار=باالعروة الوثقـى سيـوفِ حديـده

شبه الجزيره تنعم بخيـر الاخيـار=عمـار يـادار الشـرف والعقيـده

وامجار ياللي مكرمِ شعبـك مجـار=الله يمتعـك الحـيـاة السعـيـده

والله يحفظك عن صواديف الاقدار=وعساء حياتك يابو متعـب مديـده

اميـن يامـولاي عـلام الاسـرار=تحفـظ ملكنـا والقيـاده رشيـده



يارب تديم ابو متعب دوم الدوم يارب



سلامي لك
روح غلاها