أصفصفه:بإلعقل وأرتبه زيــن!!

[ALIGN=CENTER][TABLETEXT="width:90%;background-color:red;border:9px double crimson;"][CELL="filter:;"][ALIGN=center]



البارحه برق الشعر يجذب العين
شفته وشوقني ووجهت يمه
ويوم انتحى الليل وسرا منه ثلثين
خيّل خيال المزنة المدلهمه
كريم ياهجسٍ سكب ماطره لين
اغرق بشعره جال فكري وطمه
اصفصفه بالعقل و ارتبه زين
وابعثره و ارجع بعدها و المه
المنبر المهيوب يحتاج ثنتين
رجلٍ جسور ويفصح النطق فمه
واصعب قصيد المدح مدح السلاطين
ومهمة الشاعر هي اكبر مهمه
للعز يا قايد بلاد الحرمين
حزمك حزم قايد وهمتك همه
سلمان حزم وعزم نصره وتمكين
ملك وريث ملوك نسل الأئمه
اذا رضى شفت المخاليق راضين
واذا زعل حط الأعادي بكمه
الله يطول عمره سنين وسنين
جعل الفرح والخير دايم يعمه
وللعز يا شبل الأسد حامي الدين
ولي عهده في الامور المهمه
محمد المطنوخ طلق الحجاجين
لاقام له في شي لازم يتمه
من مدرسة سلمان حاز المضامين
شرح له النهج المشرف و صمه
اذا رقى يرقا على سهيل ويبين
وإذا نزل ينزل على راس قمه
اصل الفخر متوارثه بين جدين
مسندٍ ما بين خاله وعمه
ومستقبل الأمه يبي له حمر عين
يكرب حزامه ضد سود الأعمه
يحدهم ويحطهم بين قوسين
وفي كل يوم يجيب فيهم مطمة
هذا ولي العهد فعل وبراهين
شوق العذارى لابسات الازمّـة
سيف الدفاع وسيف كل الميادين
وسيف الوطن فالنايبات الملمه
وحنا جنوده لاغدا العلم علمين
وحنا عنا العايل وهمه وغمه
متواضعين وطيبين وحليمين
إلا مع اللي به تغطرس وزمه
نطيش كنا لابستنا شياطين
ونشن غارتنا عليه ونخمه
نستنشق البارود مثل المجانين
جندينا لاضرم راسه يشمه
نارد على حوض المنايا ملبين
نقدم شجاعه والردي ثكلت امه
ماعندنا إلا سم وابشر وذلحين
وإما العدو يبشر بسمٍ يسمه
دون الوطن بأرواحنا مستعدين
نارد على الموت الحمر ورد جمه
واللي يبيع بلاده بقرش قرشين
مافيه لا نخوه ولا فيه ذمة
والله يديم العز نخله وسيفين
شعارنا اللي بالحنايا نضمه
ياسيدي حنا بفعلك فخورين
يا متعب الأقلام في كل يمه
هذا قصيدي لو كتبته دواوين
فيك انت مضمونه وكيفه وكمه
اسمك يخلد للقصايد عناوين
وقصيدي انت ابوه .. يا ابوه سمه
ان اعجبك شعري على الراس والعين
وان ما اعجبك شعري فـ انا اهدرت دمـــه!!
****************
وسلامتكم
الثــــــــ2017/8/22مـــ،ـــلإثـآآآء..
[/ALIGN][/CELL][/TABLETEXT][/ALIGN]