كيف تختاري هديتك لزوجك

[frame="15 80"]

السلام عليكم ورحمة الله وبركاته
بسم الله الرحمن الرحيم
كيف اختيار هديتي لزوجي

أولا:
شوفي زوجك أيش أكثر شي يحبه ومافي عنده يعني شي يتمناه ومو موجد معه او حتى لو كان عنده فتأكدي دامها منك لها طعم ثاني
السعر مو مهم الا اذا كان زوجك من النوع اللي يتهم بالمادة والماركات واللي يسأل بكم هذا ومن وين أخذتيه

لازم يعرف ان الهدية بمعناها ومو بقيمتها حتى ل جبتيله أغلى مابالسوق بس لازم يفهم هذا المبدأ
وعشان يفهمه ويخليه في باله حاولي كل مايجيبلك هديه تركزين على الكلام الحلوو

واااو رووووعه تهبل بس ليه تعبت حالك حتى لو كانت رخيصة الثمن او مو حلوة قدري حبه لك وتفكيره فيك يوم طلع ياخذلك وأفتكرك ولو هدية جدآ بسيطة

فهو بياخذ هالخصلة منك ويعرف أي شي أخذتيه له بمعناه مو بقيمته .....

ثانيا:
يوم تطلعي تاخذين هدية له خذيها بكل حب وغلفيها بحب أكثر حاولي تكون التغليفة جدآ رقيقة وفيها حركات جذابة مثلآ: وردة حمراء وباقي التغليفه كلها أحمر وعليها شوية اكلين كمان أحمر

مو ضروري تودينها لمكان الهدايا عشان يغلفها كل ماكانت من ابداعك وبيدك بيحبها أكثر وبيفتحها بشوق


ثالثا:
الهدية لازم تكون رجالية مو تاخذين له دبدوب وتدلعينه لاااااااااااااا
في أشياء حلوة للرجال تقدم كـ هدية .

رابعا:
مراعاة سن الزوج في الاختيار مثل ماقلت مو تاخذين له دبدوب او زوجك عمره 30 وتاخذين له تولة عودي حق شايب .

خامسا:

التجديد كل مرة تبين تاخذين له هدية حاولي تغيرين النوع الشكل مو اول مره اخذتيله عطر
وحبه وصار مايفارقه تاخذين له مرة ثانية عطر وهكذا .. مابتخلصون من هالعطر لااا
لاتنسي التجديد والتدليع يعني مرة اخذتي شي بسيط المرة الثانية خذي شي فخم والمرة الثالثة بسيط يعني لازم التنويع والتجديد لا تسوين حالك ماركة وفخمة وكل مرة تاخذين له شي قيمتة أكثر من 5000 او 10000
حتى لو كنتي بنت نعمة والحمد لله كمان لازم تحاولي تاخذين له شي يكون 100 او 500 ريال عارفه ليه
هنا السر بيحبك أكثر لأن قيمتها قليلة بس انتي فكرتي فيها واخذتيها رغم انك ماتتنازلين للرخيص ..
لازم تكبري في عينه ويفهم انك تحبيه مو راعية مظاهر ...!

سادسا :

اذا قفلت بوجهك وماعرفتي وش تخترعين عشان تقدمينه له ممكن تنزلون السوق مع بعض وعندها تحطينه بالأمر الواقع يعني تشوفين نظراته على ايش متسلطة ايش اكثر شي جاذبة او قالك والله هذي حلوه لا تاخذيها بنفس الوقت ارجعي للسوق مع اختك
وخذي الشي اللي شفتيه يبيه ونفسه بتطلع عليه
واذا كان ودك تاخذينه بنفس الوقت وانتي معاه لازم تكوني مريشه يعني مو يحلو بعينه شي قيمته 1000 وانتي ماتملكين الا 500 او تحت عاد عندها تحملي الإحراج اللي يجيلك...

سابعا واهم شي:

لازم تنتبهي للمناسبة وهذا شرط مهم جدا يعني تقديم الهدية على حسب المناسبة اللي بتقدم عشانها

مثلا : كان مريض ومنوم بالمستشفى والحمد لله طلع بالسلامة وجيتي انتي ماقصرتي محتفلة بسلامته وقدمتي له نظارة شمسية او ساعة او جوال واو صراحة جد تحبينة الرجال مريض وانتي مالقيتي غير هالهدايا خليك رومانسية شوي وقدميلة قاتوه او تورته مكتوب عليها الحمد لله عالسلامه او أحبك يافلان الله لايحرمني منك وعليها شموع وحركات او باقة من الورود ليس الحمراء انما الأبيض والأصفر وجميع الألوان عشان يحس بالحيوية والفرح .........
يعني ضروري تهتمي في المناسبة وتضعيها بعين الأعتبار........

بكذا انتهينا من الشروط الواجب مراعاتها عند شراء الهدية ......

[/frame]