بأمرالملك سلمان عاصفة الحزم
ياللي ماتدري بالحزم شوفة عيان
يا خادم البيتين يافخر الأمم
أما كذا ولا بلاش من الكيان
ياسيدي شعبك يحب لك الخشم
إنته وريث المجد جارك مايهان
وياسيدي مقرن عدوك ينهزم
ولي عهد المملكة درع وضمان
وليا عطيت الأمر بأمرك ينحسم
أمرك يحسم الوضع مهما الوضع كان
وياسيدي يامحمد النايف نعم
نعم نعم لأمرك ولا فينا جبان
النائب الثاني وبحرن يلتطم
شجاع وسياسي وفي هرج اللسان
أليا تكلم فهم اللي مافهم
ان مافهم بالهرج يفهم بالسنان
وياسيدي يامحمد أقدم ونعم
وحنا على أمرك يالحصان ابن الحصان
أنت وزير دفاع مأنتة بأي اسم
أمرك نطيعه في خفا والأبيان
اليوم مجد وعز رفرف ياعلم
نعرف اللي ماعرفنا من زمان
والله غير نحطه تحت كعب القدم
لاما يطيب من المعاند والجنان
ياشلة الحوثي ياعباد الصنم
روحوا وراكم مالكم معنا مكان
حنا جنود الله وخدام الحرم
أن كان ما تدرون ياشلة ايران
وبأمر الملك سلمان عاصفة الحزم
يا للي ما تدري بالحزم شوفة عيان