قصائد نصراويه مختاره بعد خروج المنتخب الكحلي,,,,,

بسم الله الرحمن الرحيم


السلام عليكم


النصر ومنتخبنا والحكــــومه

يرفعون الراس لاصارت صمـــايل


والهلال لو ينهزم ما احد(ن) يلومه

كيف ترجي العز بحمـــار القوايـــــل


الطيور انواع به صقر(ن) ويومــــه

وش تجي جيزان عند فياض حـــايل



ومنتخبنا لو تدقق في رخومــــه

نصفهم تلقاه من زرق الفنـــــايل

,,,,,,,,,,,,,,,,,,,,,,,,,,,,,,,,,,,,,,,,


اليوم اناظر باللعيبه والصفـــــوف

من حرّ مابي قلت وينـــه ما نزل


اناظر الملعب واصفق بالكفــــوف

واجر صوتي ليت (ماجد ) ما عتــــزل


يا منتخبنا كنت ماتعرف ظـــروف

دام الاسمر لابس التسعـــــه جزل


ويلاه يا ماجد وياكثر الحســـوف

النصر عقبك ضاع والاخضر حســوف


,,,,,,,,,,,,,,,,,,,,,,,,,,,,,,,


واختتمها بقصيده الرائع وليد المقاطي

الشعر له وقفه على كل ميعـآد * ومن لايدسّم شاربه عزّتيله


وانا جرحت اكباد واداوي اكباد * و إيدي على الطالات دايم طويله


يامحاربين النصر وش عاد وش عاد * في منتخبنآ صارت اكبر فشيله


الظلم عانينآه والصدر وقــّآد * جبتو حصيله ، شي ، وين الحصيله؟


لاعب وسط ناديه فاشل ولافاد * وفالمنتخب حاجز له احلى فنيله


يبيد كل الهرج (والصدق)ماباد * وغير الصرآحه مالقينا وسيله


جينآ لكم شعار واعلام نقــّآد * كلً تكلّم لين مآ انهـدّ حيلـه


المسأله صارت كبر ، ظلم ، و أعنآد * وانفوسنآ من منتخبنآ عليله


اي منتخب ؟ هالمنتخب يوم الاجداد * جيلً ما اضنّي يورث الوقت جيله


شغل النزاههه ريحة العطر والكاد * انتآجهآ ، ياناس ( سيرة جميلة )


والحين صار الوضع كله تقــصّـآد * وتفريق بين الانديه والفصيله


ياشخص خف ربك ، ترا ظلمكم زاد * ونفسك من الي صار صارت عليله


نصراوي ً موجود في وقت الاعداد * ولا اعتمدت الاسماء ، على طول " شييله "


النصر ، مهما صار ماعنه نشــّآد * وصارت على ماقيل حيييله وحييله


النصر ، لولا النصر ماشفت الامجاد * ماجد ، فهد ، واسماء تسوى قبيله


النصر ، لولا النصر ماصرتو اسياد * معروف ، لامن شبـّ راس الفتيله


والجوهر اللي صار نقــّآذ نجــّآد * نصراوي ويحط ّ حمل ويشيله


مالك غنى عن كل نصراوي ً جآد * ماينفعك مايع ، وراع القذيـله

آبسألك يا العالمي وبآلذمة .. وش فيه لونك قآهر عذآلك ؟

آثرك مسوي للعوآذل حمّة .. وآلليل خليته عليهم حآلك

يآلعآلمي آترك هروج آلخمة .. ولا يجي هرج آلقفى في بآلك

آلهمة آلهمة ونبغى آلهمة .. آلعآلمي سطّرها على موالك

يانصرنا الموعد اعلى قمة .. يالله عسى درب آلبطولة سآلك

تبقا عظيـم برغـم كـل الظلايـم

يالعالمـي مافيـه نـادي يجاريـك


تاريخك اكبر مـن كبـار الهزايـم

وجمهورك اكبر من سوالف معاديك


دايم تهز قلـوب الاخصـام دايـم

قمة وفاء ماطال خصمـك معاليـك

شف كيف سـوا للحيَّـل والنمايـم

اللوان من لونك على شان يوذيـك


اسمك لمع فوق الجـدي والنعايـم

شف وين صرت ومنّه اللي يضاهيك


مشغل خصومك بين صاحي ونايـم

هذا يفكر بـك وهـذا حلـم فيـك

بالفـن راقـي يازعيـم الزعايـم


ياكبر حـظ اللـي يحبـك ويغليـك

لعبك يكفـي عـن جميـع الغنايـم


انت الذهب لونك وهالـون يزهيـك

اصفر مع ازرق فيك مغليـك هايـم


جمهور شمس وكلهم من حواليـك

تبقا العظيـم بعيـن كـل العظايـم

يالعالمي مافيـه نـادي يضاهيـك

الشاعر

خلف الأسيد

النصر يلمع بجمهوره.........رايق وبالحيل روّقنا
يالعالمي ثارت الثوره.......بركان سطوك يجمعنا
وجمهور وافي سطع نوره.....مافيه مثله ولاشفنا
خلاّ الحواسيد مقهوره.......بحضورنا مالهم معنا
لولا النصر مانبي الكوره......ولا تعبنا وشجعنا
خليك يالنفس مسروره.....مادام فيصل رفع يمنا
وقطاعه النصر محظوره....نعشقه لو هو يعذبنا
حنا معك داخل الصوره.....عسى الولي لايفرقنا
وكل الجماهير مشكوره......حنا الوفا والوفا حنا
سلامة يكتب لك اشعوره....بدون فضلن ولا منّا

ياكبر حـظ اللـي يحبـك ويغليـك

لعبك يكفـي عـن جميـع الغنايـم


انت الذهب لونك وهالـون يزهيـك

اصفر مع ازرق فيك مغليـك هايـم


جمهور شمس وكلهم من حواليـك

تبقا العظيـم بعيـن كـل العظايـم

يالعالمي مافيـه نـادي يضاهيـك

احلا كلام قيل عن النصر ,يستاهلون اكثر

واااااااااااااو حبك للنخاع نصراوي , بالتوفيق ان شاء الله

يسلمووووووو منوووووووره ياغاليه

اكيد النصر بقلبي ودمي واعشقه عشق فوق الخيال